NOTKUNARLEIÐBEININGAR
Málörvun í leikskóla
1
Svona notið þið fundaleiðbeiningar á starfsmannafundinum:
Fyrir fundinn
Inntak og tímaáætlun: Sá sem ber ábyrgð á skipulagningu starfsmannafundarins getur byrjað á því að skoða skipulagsblaðið sem fylgir hér á eftir. Þar fáið þið yfirlit yfir efnið og æfingarnar sem verkefnið inniheldur. Þið getið einnig skráð niður hvenær fundir um hin ýmsu verkefni verða haldnir.
Með hverju verkefni má finna tillögur að því hvernig hægt er að taka efnið fyrir á starfsmannafundinum.
Skipulagsblaðið. Á skipulagsblaðinu finnið þið bakgrunnsupplýsingar og ráð um hvernig þið getið leitt framvinduna á fundinum.
Æfingar. Í hverju verkefni eru ýmsar æfingar sem hægt er að prenta út og dreifa til þátttakenda fyrir fundinn. Viðbótaræfingarnar er hægt að nota sem aukaefni á fundum einnig getið þið og vinnufélagar ykkar nota þær á milli funda.
Á fundinum
Skiptið starfsfólkinu upp í þriggja til fjögurra manna hópa.
Kynnið verkefnið sem á að vinna með á fundinum. Dreifið og farið í gegnum þær æfingar sem þið hafið valið.
Gerið sameiginlega samantekt á æfingunni og komið ykkur saman um hvaða viðfangsefni og nýjungar þið viljið innleiða í leikskólann.
Tillögur
Þið getið fundið hugmyndir að mismunandi fundum og hópverkefnum í 6. verkefni: Aðgerðir og nýjungar sem unnið verður með á næstunni.
Eftir fundinn
Samantektarblað: Skráið á samantektarblaðið hvaða nýjungar þið hafið ákveðið að innleiða innan hvers verkefni, svo þið getið minnt hvert annað á það í dagsins önn og á næsta fundi ykkar.
Munið að gefa ykkur tíma fyrir matsfundi þar sem þið fylgið eftir þeim nýjungum sem hafa verið innleiddar. Það má finna hugmyndir að matsfundum í 7. verkefni: Mat á nýjungum sem hafa verið innleiddar.