2
Málörvun og foreldrasamstarf
NOTKUNARLEIÐBEININGAR
Svona notið þið fundaleiðbeiningar á starfsmannafundinum:
Fyrir fundinn
Inntak og tímaáætlun: Stjórnandi getur byrjað á því að skoða áætlunarblaðið sem fylgir hér á eftir. Þar fáið þið yfirsýn yfir efni og æfingar sem verkefnið Málörvun og foreldrasamstarf inniheldur. Þið getið einnig skráð hjá ykkur hvenær fundir um hin ýmsu verkefni verða haldnir.
Í hverjum hluta má finna tillögur að því hvernig hægt er að vinna með verkefnið á fundum.
Skipulagsblaðið. Á skipulagsblaðinu finnið þið bakgrunnsupplýsingar og tillögur um hvernig þið getið byggt fundina upp.
Æfingar. Í hverju málefni eru ýmsar æfingar sem hægt er að prenta út og dreifa til þátttakenda fyrir fundinn. Viðbótaræfingarnar er hægt að nota sem aukaefni á fundum, einnig getið þið og vinnufélagar ykkar nota þær á milli fundanna.
Á fundinum
Skiptið starfsfólkinu upp í þriggja til fjögurra manna hópa.
Kynnið verkefnið sem á að vinna með á fundinum. Dreifið og farið í gegnum þær æfingar sem þið hafið valið.
Gerið sameiginlega samantekt á æfingunni og komið ykkur saman um hvaða viðfangsefni og nýjungar þið viljið innleiða í leikskólann.
Eftir fundinn
Samantektarblað: Skráið á samantektarblaðið hvaða nýjungar þið hafið ákveðið að setja af stað innan hvers verkefnis, svo þið getið minnt hvert annað á það í dagsins önn og á næsta fundi ykkar.
Munið að gefa ykkur tíma fyrir matsfund þar sem þið fylgið eftir nýjungum sem þið innleiðið. Það má finna hugmyndir að matsfundum í síðasta hlutanum í 7. verkefni Mat á nýjungum sem við höfum innleitt.