6
. VERKEFNI
Viðfangsefni og nýjungar framundan
Málörvun og foreldrasamstarf
KYNNING
Setjið athöfn á bak við orðin – takið eitt skref í einu
Þegar þið hafið unnið með verkefni og æfingar úr „Tungumálið er gjöf“ er mælt með því að þið safnið hugmyndum ykkar saman og gerið áætlun varðandi verkefnin sem þið ætlið að innleiða á næstunni. Takið eitt skref í einu og byrjið ekki á of mörgum verkefnum í senn – gefið ykkur frekar tækifæri til að upplifa litla sigra sem geta orðið að mörgum.
Innleiða þarf nýjar venjur
Það getur tekið tíma að innleiða nýjungar og gera þær að venjum í daglegu starfi og þess vegna er mælt með því að þið ræðið saman um hvaða verkefni þið ætlið að innleiða, hver gerir hvað og hvenær þið munuð meta árangurinn.
1. SKREF - KYNNING:
Biddu hvern þátttakanda um sig um að líta á æfingarnar sem þið hafi gert og að skoða samantektirnar sem þið hafið skrifað á flettitöfluna. Biddu þau um að tala saman tvö og tvö um það sem þau vilja nákvæmlega gera í næstu viku/mánuði til að styrkja samstarfið við foreldra tvítyngdu barnanna.
Látið orðið ganga hringinn og skráið tillögurnar á flettitöfluna.
2.SKREF - ÆFING:
Þú getur valið eina af æfingunum sem fylgja hér á eftir og rætt um hvaða verkefni þið innleiðið og hver á að gera hvað og hvenær
Ath. Þessar æfingar á ekki að prenta út fyrir þátttakendur.
3. SKREF - SKIPULEGGIÐ MATSFUNDI:
Ákveðið hvaða dag þið ætlið að fara yfir og meta hvernig nýju verkefnin hafa gengið. Hægt er að finna hugmyndir fyrir matsfundinn í 7. Hluta: „Mat á nýjungum sem hafa verið innleiddar“ .
4. SKREF - FRAMKVÆMD:
Látið orðið ganga hringinn og gefið þátttakendunum kost á að segja frá því hvað þeim finnst þeir hafa fengið út úr fundinum t.d. tvö mikilvægustu atriðin. Notið að hámarki ½ mín á mann.